Ummon irodali g’alabaga erishmoqda

CAFA Nations Cup-2025 guruh bosqichida Ummon terma jamoasi Qirg‘iziston ustidan 2:1 hisobida g‘alaba qozonib, o‘yinning so‘nggi daqiqalarida vaziyatni o‘z foydasiga o‘zgartirishga erishdi.

Birinchi taym Qirg‘iziston ustunligida o‘tdi va 24-daqiqada Tamirlan Kozubayev jarima to‘pidan keyin hisobni ochdi. Biroq tanaffusdan so‘ng Ummon hujumlarni kuchaytirdi va o‘yin yakunida ajoyib qaytish evaziga g‘alabani qo‘lga kiritdi. 90+1 daqiqada Issam Al-Sobxi yon chiziqdan uzatilgan to‘pni golga aylantirdi, 90+5 daqiqada esa u Muhsin Al-G‘assoniyning uzatmasidan foydalanib dubl qayd etdi va jamoasiga muhim uch ochkoni keltirdi.

Jamoa keyingi turda Turkmaniston bilan uchrashadi va bu o‘yin guruhdagi o‘rinlarni belgilashda hal qiluvchi ahamiyatga ega bo‘ladi.