Renn – Lion: jonli efirni tomosha qiling (15.09.2025)

Bretanda tungi osmon ostida Roazhon Park stadioni Liga 1’ning 4-tur uchrashuviga mezbonlik qiladi. 2025-yil 15-sentyabr kuni soat 23:45 (Toshkent vaqti) da Renn o‘z maydonida Lionni qabul qiladi.

Mezbon Renn mavsumni notekis boshladi. Dastlab Marselni 10 futbolchi bilan ham yengishga muvaffaq bo‘lishdi, biroq keyingi turda Loryonga qarshi 0:4 hisobida yirik mag‘lubiyatga uchrab, ikki futbolchisi maydondan chetlatildi. Uchinchi turda Anjega qarshi durang qayd etib biroz tiklana olishdi, ammo barqarorlik va intizom hanuz asosiy muammo bo‘lib qolmoqda.

Aksincha, Lion mavsumni ancha ishonchli boshladi. Paulo Fonseka shogirdlari ketma-ket Lens, Mets va Marselni mag‘lub etib, birorta ham gol o‘tkazmadi. Mustahkam himoya va o‘rta chiziqdagi to‘liq nazorat evaziga ular PSJ bilan birgalikda turnir jadvalining yuqori pog‘onasida bormoqda. Bu esa Lionning chempionlik uchun jiddiy da’vogar ekanidan darak beradi.

Qayerdan tomosha qilish mumkin?

O‘zbekiston

Liga 1 o‘yinlari O‘zbekiston telekanallarida muntazam efirga uzatilmaydi. Renn – Lion uchrashuvini muxlislar Setanta Sports platformasi orqali onlayn tomosha qilishlari mumkin.