Rekord transferlar va yangi yo‘nalish: “Everton” o‘z yo’lini qanday o‘zgartirmoqda

Yanvar oyida “Everton” tushib ketish zonasidan atigi bir ochko yuqorida edi. Klubni qutqarish uchun yana sinalgan usulga – Devid Moyesni bosh murabbiy lavozimiga qaytarishga murojaat qilindi. Sakkiz oydan so‘ng, vaziyat tubdan o‘zgardi: jamoa 23 ochko zaxirasi bilan tushib ketishdan qutuldi, zamonaviy Hill Dickinson stadioniga ko‘chib o‘tdi va o‘z tarixidagi eng yirik transfer oynasini o‘tkazdi.

Tarkibga rekord darajadagi sarmoyalar

Yozda “Everton” to‘qqizta yangi futbolchi bilan shartnoma imzoladi va bunga rekord darajadagi 97 million funt sterling sof mablag‘ sarfladi – bu so‘nggi yetti yildagi xarajatlardan ham ko‘p. Bu summa APL davridagi klub tarixidagi eng yirik summa bo‘ldi. Agar “Frayburg“dan Merlin Ryolning ijarasi 17 million funtga sotib olinsa, umumiy xarajatlar 114 millionga yetadi. Bunday faollik moliyaviy holatning o‘zgarishi tufayli mumkin bo‘ldi. Friedkin Group tomonidan sotib olingach, qarzlar qayta tuzildi va kapitalga aylantirilib, 52 769 tomoshabinga mo‘ljallangan yangi stadiondan tushadigan daromadlar byudjetni yanada mustahkamlashga va’da bermoqda.

Yangi strategiya va liderlik

O‘n millionlab mablag‘lar samarasiz transferlarga sarflangan Farhod Moshiriy davridagi xatolar endi takrorlanmaydi. Endi klub puxta o‘ylangan qadamlarga tayanmoqda. Yangi yo‘nalishning ramzi “Manchester Siti“dan ijaraga olingan Jek Grilish bo‘ldi. Ingliz futbolchisi “irislar” safidagi dastlabki ikki o‘yinning har birida ikkitadan golli uzatma berdi, holbuki, u APLdagi butun faoliyati davomida buni atigi ikki marta uddalagan edi. Asosiy yangi o‘yinchilar orasida golga olib keluvchi vaziyatlar yaratish bo‘yicha rekord ko‘rsatkichlarni qayd etayotgan Kirnan Dyusberi-Xoll va hujum chizig‘iga tez moslashib, uni kuchaytirgan hujumchi Tyerno Barri ham bor. Transfer qiymati 40 million funtga yetishi mumkin bo‘lgan yosh iste’dod Tayler Dibling hozircha debyutini kutmoqda, ammo klub uni kelajak uchun muhim sarmoya deb bilmoqda. Shu bilan birga, rahbariyat tajribasi jamoani barqarorlashtiruvchi faxriylar – Sheymus Koulman va Maykl Kinni saqlab qolishga erishdi.

Shuhratparastlikning qaytishi Endi klub puxta o‘ylangan qadamlarga tayanmoqda. Yangi kursning ramzi “Manchester Siti”dan ijaraga olingan Jek Grilish bo‘ldi.

May oyidan buyon APLda hech bir jamoa “Everton“dan ko‘p ochko to‘play olmadi. Hozirda “irislar” turnir jadvalida beshinchi o‘rinni egallab, muxlislarga umid bag‘ishlovchi o‘yin sifatini namoyish etmoqda. Klubning sobiq yarim himoyachisi Leon Osman hozirgi transfer oynasini “ajoyib” deb ta’riflab, Grilishni butun ligadagi yozning eng yaxshi transferi deb hisoblaydi. “Everton” rekord darajadagi sarmoya kiritganiga qaramay, APLda sof xarajatlar bo‘yicha yettinchi o‘rinda qoldi. Biroq natijalar, Opta ma’lumotlariga ko‘ra, kutilganidan ham yaxshi: faqat “Liverpul” o‘zining kutilgan ochkolar ko‘rsatkichini undan ham yuqoriroq darajada oshirdi.

1995-yildan beri birinchi sovrin sari?

“Everton“dan kutishlar yana ortdi. Moyes ehtiyotkorlikka chaqirib, hatto jadvalning o‘rtasidagi joy ham katta yutuq bo‘lishini ta’kidlaydi. Ammo jamoa a’zolari bu mavsum alohida bo‘lishi mumkinligiga ishonishmoqda.

“Everton”da hamma sovrin istaydi. Moyes esa qaytib kelib, uni klubga sovg‘a qilishni orzu qiladi,” – deya ta’kidlaydi Osman.

Moliyaviy qoidabuzarliklar uchun ikki marta ochko olib tashlash bilan jazolangan va uzoq vaqt omon qolish uchun kurashgan klub endi o‘z tarixini qayta yozish imkoniyatiga ega – cho‘qqilar va uzoq kutilgan sovrinlar uchun kurashish istagi bilan.

“Everton” rekord darajadagi sarmoya kiritganiga qaramay, APLda sof xarajatlar bo‘yicha faqat yettinchi klub bo‘lib qoldi. Ammo natijalar, Opta ma’lumotiga ko‘ra, kutilganidan ham a’lo: faqat “Liverpul” o‘z ko‘rsatkichidan balandroq natija qayd etdi.

Moliyaviy qoidabuzarlik uchun ikki marta ochko olib qo‘yish bilan jazolangan va uzoq vaqt omon qolish uchun kurashgan klub endi o‘z tarixini qayta yozish imkoniyatiga ega – cho‘qqilar va uzoq kutilgan sovrinlar uchun kurashish ambitsiyalari bilan.