PSJ – Lens: jonli efirni tomosha qiling (14.09.2025)

Parij shahrining markazida, Parc des Princes stadionida 2025-yil 14-sentyabr kuni soat 20:15 (Toshkent vaqti) da Liga 1’ning 4-tur uchrashuvi o‘tkaziladi. Unda Paris Saint-Germain o‘z maydonida ishonch bilan safarga chiqqan Lensni qabul qiladi.

PSJ mavsumni maksimal konsentratsiya bilan boshladi. Dastlab Nant va Anjega qarshi kichik hisobdagi g‘alabalar, so‘ng Tuluzaga qarshi ko‘p golli yirik natija — bularning barchasi jamoaning asta-sekin optimal formasiga kirayotganidan dalolat. Uch turda 9 ochko to‘plagan poytaxt klubi chempionlikni saqlab qolish va 14-chempionlik unvonini qo‘lga kiritish yo‘lida qat’iyat ko‘rsatmoqda.

Lens ham mavsumni ishonchli boshlagan jamoalardan. Dastlab Liondan mag‘lub bo‘lishgan bo‘lsa-da, keyingi ikki turda Le Avr va Brestni umumiy 5:2 hisobida yengib, 6 ochko jamg‘arib oldi. “Qizil-Oltinlar”ning yon chiziqlardan tezkor hujumlari va faol ikkinchi liniyasi raqiblarga jiddiy muammo tug‘dirmoqda. Hozircha ular jadvalda 5-o‘rinda turibdi.

Qayerdan tomosha qilish mumkin?

O‘zbekiston

Liga 1 uchrashuvlari O‘zbekiston telekanallarida efirga uzatilmaydi. PSJ – Lens o‘yinini muxlislar Setanta Sports platformasi orqali onlayn tomosha qilishlari mumkin.