Mo Saloh sobiq sheriklarini tarafini oldi

Liverpul jamoatchiligi Muhammad Salohning his-hayajonli bayonotini qizg‘in muhokama qilmoqda. Bunga muxlislar sahifasidagi e’lon sabab bo‘ldi. Unda klubning so‘nggi transferlari – xususan, Virts va Isak uchun to‘langan rekord summalar – sobiq yetakchilarning ketishi bilan taqqoslangan. Post muallifi “Liverpul“ning yangi tarkibi Luis Dias va Darvin Nunyes o‘ynagan jamoaning avvalgi holatidan ancha kuchli ekanligiga ishora qilgan.

Odatda ijtimoiy tarmoqlardagi tanqidlarga kamdan-kam munosabat bildiruvchi Saloh bu safar jim turmadi. Misrlik futbolchi muxlislarni ilgari klub sharafini himoya qilgan va uning muvaffaqiyatiga hissa qo‘shgan o‘yinchilarga hurmat ko‘rsatishga chaqirdi. U ta’kidlaganidek, bu futbolchilarsiz so‘nggi mavsumlarda muxlislarni quvontirgan g‘alabalar va yorqin lahzalar bo‘lmasdi.

Uning so‘zlari keng aks-sado berdi – jamoa sardorining fikrini qo‘llab-quvvatlab yuz minglab layklar va minglab izohlar yozildi. Ko‘pchilik Salohning bu munosabati “Liverpul” futbolchilarining har bir avlodi vorisiyligi va qadr-qimmatini eslatuvchi muhim bayonot bo‘lganini ta’kidladi.

Mutaxassislarning fikricha, bu bayonot Salohning nafaqat maydonda jamoani boshqaruvchi, balki undan tashqarida ham hurmat va birdamlik muhitini yaratuvchi sardor hamda ma’naviy yetakchi sifatidagi obro‘sini yanada mustahkamlaydi.