Karlos Alkaras ilk finalchiga aylandi

22 yoshli ispaniyalik Karlos Alkaras US Open finaliga ishonchli tarzda yo‘l oldi, Novak Djokovichni uch setda – 6:4, 7:6(4), 6:2 hisobi bilan mag‘lub etib. Bu g‘alaba ispaniyalikning o‘z sport formasining cho‘qqisida ekanligini va zamonaviy tennisning yangi standartini belgilayotganini yana bir bor tasdiqladi.

O‘yin jarayoni

Boshidanoq Alkaras tashabbusni qo‘lga oldi. Birinchi setda u serbning uzatmasidagi xatolaridan foydalanib, ishonchli tarzda g‘alaba qozondi. Ikkinchi set juda keskin o‘tdi: Djokovich o‘yinni o‘z foydasiga o‘zgartirmoqchi bo‘ldi, ammo tay-brekda Alkaras sovuqqon akuladek o’z o’ljasini qo’yib yubormadi. Uchinchi set Karlitos uchun hech qanday qiyinchilik tug’dirmadi, Novak qanchalik buyuk bo’lmasin, yosh o’z so’zini aytadi, va u Karlitos taklif etgan tempga kuchi yetmadi.

Qiziqarli ma’lumotlar

• Alkaras bu mavsumda uchinchi marta “Katta dubulg‘a” finaliga chiqdi.
• 2025-yilda u 59 ta g‘alaba va 6 ta unvonga erishib, yilning eng muvaffaqiyatli o‘yinchisiga aylandi.
• Bu o‘yin avlodlar almashinuvining ramzi bo‘ldi: Alkaras tennis tarixidagi eng buyuk o‘yinchilardan birini ishonch bilan mag‘lub etdi.

Karyera cho‘qqisi

Alkaras mutaxassislar idealga yaqin deb baholayotgan o‘yinni namoyish etmoqda. Uning to‘pni qabul qilishdagi faolligi, liniya ortidagi barqarorligi va yoshiga qaramay yetukligini ko‘rsatishi uni deyarli yengib bo‘lmaydigan raqibga aylantirmoqda. Hozir u o‘z karyerasining haqiqiy cho‘qqisida turibdi – ko‘pchilik uni nafaqat US Openning, balki yaqin yillarda butun erkaklar tennisining asosiy favoriti deb hisoblashmoqda. Ushbu turnirda u biror marta ham o’z geymini yutqazmadi.

Finalda, u so’nggi ikki yil ichida Katta Dubulg’a turnirlarini birgalikda bo’lishib kelayotgan Yannik Sinner yoki Feliks Oje-Alyassim bilan to’qnash keladi. Agar finalda Alkaras va Sinner to’qnashuvini ko’radigan bo’lsak, bu nafaqat titul, balki dunyoning birinchi raqamli raketkasi bo’lish uchun kurash bo’ladi.