Jek Dreyper o’zi uchun mavsum yakunlanganini aytdi

Jahon reytingida yettinchi o‘rinni egallayotgan britaniyalik tennischi Jek Dreyper 2025 yilgi mavsumni muddatidan oldin yakunlashini e’lon qildi. Bunga qo‘lidagi jarohat – Uimbldon paytida paydo bo‘lgan va vaqt o‘tishi bilan yanada zo‘raygan suyak lat yeyishi sabab bo‘ldi.

Sportchi US Open uchun kortga qaytishga erishgan va hatto birinchi davra o‘yinida g‘alaba qozongan bo‘lsa-da, ahvolining yomonlashuvi uni keyingi uchrashuvdan oldin musobaqani tark etishga majbur qildi.

Dreyper bu qarorni qabul qilish unga oson bo‘lmaganini tan oldi:

“Buni qabul qilish juda qiyin, chunki men ajoyib formada edim va kuchli o‘yin namoyish etayotgan edim. Ammo men bunday sinovlarni ilgari ham boshdan kechirganman va har doim kuchliroq bo‘lib qaytganman. Men o‘z salohiyatimni to‘liq ro‘yobga chiqarishga intilyapman.”

Jarohat uning maqsadlariga jiddiy zarba bo‘ldi: Dreyper Turindagi ATP yakuniy turniriga chiqa olmaydi va jahon reytingining eng kuchli o‘ntaligidan tushib qolish xavfi ostida qoldi. Shunday bo‘lsa-da, u kelgusi mavsumda yanada tayyorroq holda kortga qaytish uchun sog‘ayishga e’tibor qaratmoqchi.