Donald Tramp tomoshabinlar haqida fikr bildirdi

AQSH prezidenti Donald Tramp Nyu-Yorkda bo‘lib o‘tgan erkaklar US Open-2025 finalining asosiy diqqat markaziga aylandi. U ispaniyalik Karlos Alkaras va italiyalik Yannik Sinner o‘rtasidagi uchrashuvni tomosha qildi. O‘yin Alkarasning 6:2, 3:6, 6:1, 6:4 hisobidagi g‘alabasi bilan yakunlandi.

Prezidentning tashrifi tufayli xavfsizlik choralari kuchaytirilgani sababli uchrashuv boshlanishi yarim soatga kechiktirildi. Bu holat tomoshabinlarning bir qismining noroziligiga sabab bo‘ldi va tribuna Trampni hushtaklar bilan kutib oldi.

Biroq, siyosatchi o‘zi o‘yindan so‘ng muhit va tomoshabinlarning munosabatidan mamnun ekanligini bildirdi:

“Muxlislar ajoyib edi. Nimani kutishni o‘zim ham bilmasdim. Ammo tribunadagi muxlislar juda yaxshi bo‘lishdi. O‘yinning o‘zi menga juda yoqdi. Ikkala o‘yinchi ham g‘oyat iste’dodli,” – dedi Tramp jurnalistlarga.

Shunday qilib, tribunalardagi sezilarli keskinlikka qaramay, prezident tomoshabinlarga Alkaras va Sinner o‘rtasidagi yana bir yorqin bellashuvni taqdim etgan finaldan olgan ijobiy taassurotlarini ta’kidlashni afzal ko‘rdi.