Chempionlar ligasi kunning eng qiziqarli afishalari

Chempionlar Ligasi-2025/26 ning yangi guruh bosqichi boshlanmoqda va birinchi turdayoq muxlislarni shov-shuvli qarshiliklar, tarixiy qasos olishlar va statistik rekordlar kutmoqda.

Dortmund – “Yuventus”

Turningng eng muhim o‘yinlaridan biri – YECHL-1997 finalining takrori bo‘lib, o‘shanda nemislar 3:1 hisobida g‘alaba qozongan edi. Biroq, statistika “Yuve” foydasiga: turinliklar “Borussiya“ga qarshi 9 o‘yindan 6 tasida g‘alaba qozongan va dastlabki turlarda o‘z maydonida hech qachon mag‘lub bo‘lmagan. YECHLning so‘nggi 9 o‘yinida 7 ta gol urgan Jonatan Devid mezbonlar safida debyut qilishga tayyor. Dortmundliklar esa o‘tgan mavsumda 9 ta gol urgan Seru Girassiga umid bog‘lamoqda.

“Real” – “Marsel”

“Qaymoqranglilar” Chempionlar Ligasida 200 ta g‘alaba va 700 ta golga erishgan ilk jamoaga aylanishi mumkin. “Bernabeu“da fransuzlarga qarshi o‘yinlar an’anaviy ravishda muvaffaqiyatli kechmoqda: 17 o‘yinda 12 g‘alaba. “Marsel” tarkibida tajribali Obameyang ajralib turadi, u dortmundliklar safida “Real“ga 4 marta gol urgan.

“Benfika” – “Qarabog‘”

Portugaliyaliklar YECHLdagi 45-mavsumini boshlamoqda, ozarbayjonliklar esa tarixda ikkinchi bor guruh bosqichida ishtirok etmoqda. “Qarabog‘” uchun bu Yevropa Ligasining o‘tgan mavsumida “Braga” ustidan qozonilgan g‘alabadan so‘ng elita safida o‘rnashish imkoniyatidir.

“Tottenxem” – “Vilyarreal”

“Shporlar” Yevropada 20 o‘yindan beri o‘z maydonida mag‘lub bo‘lmayapti, “Vilyarreal” esa ingliz klublariga qarshi juda yomon o‘ynamoqda. Qo‘shimcha qiziqish ilgari “Spurs”da o‘ynagan Manor Solomon va Xuan Foytning qaytishi bilan bog‘liq.

“Ayaks” – “Inter”

Amsterdamliklar 1972-yilgi final takrorini kutishmoqda. Italiyaliklar ajoyib formada: ular 2001-yildan beri Gollandiya klublariga YECHLda yutqazmagan. “Inter” uchun bu Yan Zommer va Nikolo Barellaning yubiley o‘yinlarini nishonlash imkoniyati hamdir.

“Bavariya” – “Chelsi”

2012-yilgi finalning takrori, o‘shanda inglizlar kutilmaganda chempionlikni qo‘lga kiritgan edi. O‘shandan beri myunxenliklar guruh bosqichida 34 o‘yindan beri mag‘lubiyatsiz seriyani davom ettirmoqda va ketma-ket 21-marta g‘alaba bilan boshlamoqda. “Chelsi” esa Germaniyada o‘z raqobatbardoshligini isbotlashga harakat qilmoqda.

“Liverpul” – “Atletiko”

“Qizillar” Yevropadagi so‘nggi 14 ta uy o‘yinida g‘alaba qozonishdi, Muhammad Saloh esa ajoyib tarzda gol urishda davom etmoqda. “Atletiko”da achinarli statistika mavjud: YECHL guruh bosqichida ingliz jamoalariga qarshi birorta ham g‘alaba yo‘q.

PSJ – “Atalanta”

Fransuzlar italiyaliklarga qarshi ishonchli o‘ynamoqda va turnir boshida ketma-ket uch marta g‘alaba qozonishdi. “Atalanta” esa mehmondagi sermahsulligi bilan ajralib turadi va Yevropada 8 o‘yindan beri safarda mag‘lub bo‘lmayapti.

Bundan tashqari, e’tibor debyutantlarga qaratilgan: Kiprning “Pafos” klubi birinchi marta guruh bosqichida o‘ynaydi, Qozog‘istonning “Qayrat” klubi esa mamlakat tarixida turnirda ishtirok etayotgan ikkinchi jamoa bo‘ladi.