Barselona – Valensiya: La Liga bashorati (15.09.2025)

2025-yil 15-sentabr, dushanba kuni soat 00:00 (Toshkent vaqti bilan) “Kamp Nou” stadionida Barselona – Valensiya uchrashuvi bo‘lib o‘tadi. Bu La Liga 2025/2026 mavsumining 4-turidan o‘rin olgan bahsdir. Bukmekerlar aniq favorit sifatida “Barselona”ni ko‘rsatmoqda.

Barselona

“Blaugrana” mavsum startida ishonchli o‘yin ko‘rsata olmadi. Xansi Flik o‘tgan yilgi taktikani davom ettirmoqda: yuqori chiziqda himoya va agressiv press. O‘tgan mavsumda bu uslub ko‘proq omad, raqib xatolari va jarohatlar kamligi sababli ish bergan edi. Yangi mavsumda esa zaif tomonlari ko‘rina boshladi.

Birinchi turda “Malorka”ni 3:0 hisobida yutishdi, ammo raqib birinchi bo‘limdayoq ikki qizil kartochka olgandi. Ikkinchi turda “Levante” bilan o‘yin qiyin bo‘ldi: raqib hatto birinchi bo‘limda 0:2 hisobida oldinga chiqib olgan edi. Yakunda 3:2 hisobida g‘alaba qozonildi, ammo so‘nggi daqiqadagi avtogol yordam berdi. Uchinchi turda esa “Rayo Valyekano” bilan 1:1 durang qayd etildi.

Valensiya

“Los Che” o‘tgan mavsumda deyarli quyi ligaga tushib ketishi mumkin edi, ammo oxirgi oylarda o‘yinini yaxshilab, omon qoldi. Yangi mavsum oldidan jamoa o‘rta pog‘onada barqaror o‘ynashi mumkinligi taxmin qilingan, ammo natijalar hanuz notekis.

Birinchi turda “Real Sosyedad” bilan 1:1 durang o‘ynashdi, keyin “Osasuna”ga qarshi o‘yinda 0:1 hisobida mag‘lub bo‘lishdi, yarim bo‘limdan ko‘p vaqt 10 kishi o‘ynashlariga to‘g‘ri kelgan edi. Uchinchi turda esa “Xetafe”ni 3:0 hisobida mag‘lub etib, biroz tiklandilar.

Statistika va o‘zaro uchrashuvlar

So‘nggi 5 o‘yinda to‘liq ustunlik “Barselona” tomonida: 4 ta g‘alaba va 1 ta durang. Oxirgi ikki uchrashuvda esa yirik hisob qayd etilgan — 7:1 va 5:0. Shunga qaramay, qiziq fakt: so‘nggi 5 o‘yindan 4 tasida “Valensiya” gol urishga muvaffaq bo‘lgan.

Optimal stavka

“Barselona”ning hujum chizig‘i kuchli, biroq himoyada hanuz xatolar ko‘p va ular raqibga imkoniyat berib qo‘yishadi.

Optimal stavka — Valensiya kamida 1 ta gol uradi, koeffitsiyent 1.67.