Aleks de Minor mag’lubiyatdan so’ng ta’sirli xabar qoldirdi

Avstraliyalik tennischi Aleks de Minor “Katta dubulg’a” turnirining yarim finaliga chiqishga muvaffaq bo‘lmadi va mag‘lubiyatdan so‘ng muxlislarning e’tiborini tortgan ta’sirli xabar qoldirdi.

“Shuncha kuch sarflayotganingda, maqsad yo‘lida har kuni ter to‘kayotganingda va har safar odamlarga ularning nohaqligini isbotlash istagi bilan kortga chiqayotganingda juda og‘ir bo‘ladi. Ammo yana mag‘lubiyatga uchraysan, ayniqsa bu safar – buni qabul qilish nihoyatda qiyin” – deb yozdi de Minor.

Tennischi bu o‘yinni qayta o‘tkazishni istashini tan oldi, chunki u vaziyatni nazorat qilayotganini his qilgandi.

“Shunday o’yinlar bo‘ladiki, ko‘p narsa raqibga bog‘liq: masalan, chorak finalda Yannikka qarshi – o‘shanda u shunchaki mendan ancha ustun edi va men hech narsa qila olmasdim. Lekin bu safar hamma narsa o‘z qo‘limda edi, deb o‘ylayman, aynan shu narsa alam qiladi” – deya qo‘shimcha qildi u.

De Minor, shuningdek, hozirda kuchli umidsizlikni boshidan kechirayotganini, ammo bu shunchaki tennis ekanligini va oldinga intilishi kerakligini tushunishini ta’kidladi.

Avstraliyalik sportchi uchun bu “Katta dubulg’a” turnirlarining chorak finalida yana bir og‘riqli tajriba bo‘ldi. U ilgari Dominik Tim (2020), Aleksandr Zverev (2024), Novak Djokovich, Jek Dreyper (2024), Yannik Sinner (2025) kabi raqiblariga yengilgandi. Endi bu ro‘yxatga 3:1 hisobida g‘alaba qozongan Feliks Oje-Aliassim ham qo‘shildi.

Mutaxassislarning ta’kidlashicha, ketma-ket muvaffaqiyatsizliklarga qaramay, de Minor turning eng barqaror o‘yinchilaridan biri bo‘lib qolmoqda va kelajakda chorak final “qarg‘ishi”ni yengib o‘tish uchun barcha imkoniyatlarga ega. Muxlislar uning samimiyligini qo‘llab-quvvatlab, aynan shunday tuyg‘ular sportni jonli va har bir insonga yaqin qilishini ta’kidlashdi.